14. Juni 2017: Wopyt we wuhlowej jamy we Wochozy
Minjenu srjedu wopytachu šulerjo rjadownje 6b wuhlowu jamu we Wochozy. Při přewšo rjanym słónčnym wjedrje a z dobrej naladu sćěhowachu woni dokładnje słowam nawjednika ekskurziji. Wulkosć jamy, kaž tež mašinow, wukonješe na šulerjow wulki začisć. Ze swójskimi wočimi widźeć, kotre hoberske hromady zemje so za wudobywanje brunicy pohibować dyrbja, je so jim zawěsće hłubšo do pomjatka zaryło hač proste sydanje w šuli.
